Brúðkaup og aftur búðkaup!!

Eitt búið og aðeins 2 til stefnu. Um helgina ætla þau Bíbí og Öggi að ganga í heilagt hjónaband og við munum auðvitað mæta og sjá til þess að allt gangi vel fyrir sig ásamt páskafylgiliðinu okkar þ.e. Þórey, Ella, Val, Erni, Hallberu og Smára þannig að það er þvílík tilhlökkun í gangi og var ég að tala við Þórey og þau voru hreinlega að leggja af stað þannig að ætli þau lendi ekki um 20.00 í kveld og eins Berry og Smári, talaði við hana líka áðan og þau voru hreinlega í bílahugleiðingum þannig að það er aldrei að vita nema þau komi bara á nýjum kagga í Skarðshlíðina. Ætlum að klifra og eitthvað fullt spennandi, líklega fara í sund og grilla og út að borða og svo er auðvitað leikur hjá mér á sunnudaginn á Grenó þannig að vonandi þau bara skelli sér þangað og hvetji stelpuna sína

Hjalti minn varð hvorki meira né minna en 20 ÁRA gamall í gær og viljum við óska honum innilega til lukku með daginn. Við splæstum í hann snyrtitösku og munnhörpu í C, sem hann var ekkert smá ánægður með og var búinn að æfa eitt lag þegar ég talaði við hann í gær.

Familýan er bara í brjáluðu ferðalagi og vonandi að þau lendi hér í grenndinni á sunnudag, líklega orðin kolsvört eftir alla blíðuna sem guð er búinn að færa okkur undanfarnar vikur. En ætla að skella mér í verslunarleiðangur svo maður eigi nú eitthvað í ísskápnum þegar Valli og Eddi mæta á svæðið. Hafið það gott í dag og alltaf og munið hvað mér þykir vænt um ykkur..... XXX LiZ

Gjörsamlega ALLT AÐ GERAST!!

sjitt maður hvað er allt að verða vitlaust hérna megin. Maður er bara búinn að versla nýjan bíl, selja litla kaggann, komin með kennarastöðu á Ólafsfirði og að berjast við að versla einbýlishús á pleisinu, dí maður, held hreinlega að ég þurfi smá Morfín í æð til að meðtaka þetta allt saman. En vonandi verður þetta bara frábært og á eftir að ganga vel, við hlökkum mikið til að skella okkur út í þetta allt saman. Hlökkum líka rosalega mikið til að fá Þórey og Co og Hallberu og Co til okkar á fimmtudaginn...veivei höfum ekki hittst síðan í Norge og Denmark ma´r og strákarnir orðnir 2gja ára í gær og allt þannig að það er allt að gerast.

Hanna Dögg og Birgir sögðu bæði JÁ, þannig að þau eru orðin hjón þessar elskur og vá hvað þau voru falleg og ung og sæt og geislandi. Ja það má allavega segja að það hafi verið felld nokkur stór tár í kirkjunni og þar á meðal var ég frekar rosalega tæp á meðan ég var að syngja takk, svoooo mikil væntumþykja í gangi. Veislan var æðisleg og vá hvað maturinn var góður, grillaðar lambalundir takk og allt með því var hreinlega himneskt. Við stelpurnar stigum auðvitað á stokk og tókum eitt atriði og fórum allar með nokkur vel valin orð til Hönnunnar okkar og enduðum svo á að syngja auðvitað lagið okkar "traustur vinur" sem toppaði alveg svitakastið sem Svanborg var í vegna stresssssss. En hún komst í gegnum það þessi elska og fréttir herma að þær hafi skemmt sér illa vel á Kaffi Ak. Vöndinn greip einhver sem ég veit ekkert hver er en sokkabandið fór í hendurnar á Magna frænda eftir þvílíkan slag og kaos. Þannig að Kata mín, viltu ekki bara byrja að skipuleggja?!!  Við Rúní stungum af eftir Brúðarvalsinn og nokkur tár og brunuðum af stað í útilegu til að testa nýja tjaldið okkar. Byrjuðum á Vaglaskóg en þar var allt stappað, keyrðum á Illugastaði en nei, þar var ekkert tjaldstæði, keyrðum þá að Goðafossi við Skjálfandafljót en þar var yfirfullt líka þannig að við sem sagt enduðum þessa ferð okkar á Kiðagili kl. 01:30 um nóttina. Snilldartjaldstæði og öll aðstaða til fyrirmyndar. Bongóblíða og brunasár hér og þar en bókin er alveg að hafast og er ég komin á bls. 237 Ágústa mín!!

Magna dömur stóðu sig með prýði um helgina og gerðu þær 1 jafntefli við Hött og unnu svo Fjarðarbyggð með glæsibrag 8-2 þannig að þá er það bara æfing í kvöld og ég mun taka á honum stóra stóra mínum til að brenna öllu bullinu sem ég innbyrgði um helgina..... ciao

Hvar er sólin mín?

Ég bara skil ekki þessa þoku endalaust sem liggur hérna alveg uppvið húsin og böggar mig og svo keyrir maður aðeins lengra inn í Eyjarfjörð og þá er bara glaðasólskin þar og eins í Vaglaskógi. Spurning um að fara bara þangað í nokkra daga útilegu og keyra á milli í vinnuna svo maður fái smá sólbrúnku í fríinu! Annars fórum við Marý og SvannaBogga í frekar mislukkaða verslunarferð í gær því útsölurnar byrjuðu ekki fyrr en 10 í morgun en hugsunin var að verlsa dress fyrir brúðkaupið Hönnu og Birgis en endaði bara í einhverjum hlátursköstum og áti  o-ó!!! En það er allt í góðu það var sko tekið á því á fótboltaæfingu í gærkvöldi og svo er önnur æfing í dag, stelpur ég gef ykkur enn eitt tækifærið á að mæta í þrek og tár kl. 17 í dag svo við getum étið meira. Svo þurfum við endilega að fara að veiða aftur því ég gjörsamlega mokaði ýsunni upp á bryggjuna, eða frekar Svanborg og Ingólfur, jújú þau fengu 4 fiska. Ég var bara í því að taka myndir sem koma inn von bráðar.

Ég varð svo heppin að ég náði að selja Toyotuna í gær þannig að það gengur bara allt að óskum þessa dagana í Skarðshlíðinni og Sólheimabrosið okkar nær allann hringinn. Annars er það bara brúðkaupið framundan og allir hlakka rosamikið til. Endum kannski svo bara í útilegu á lau.kvöld og fram á mánudag, hver veit...verðum allavega að prufa nýja tjaldið mar... Lifið heil

Blikk, takk fyrir mig og góðan dag tilraunir!!!

Góðir hálsar ég hef verið að stunda ýmsar tilraunir hérna um dagana á Akureyri síðan ég flutti hingað og er það m.a. falið í því að segja "Góðan daginn" þegar maður mætir einhverjum gangandi eða á hjóli, tilraun 2 hófst í viðbrögðum við að blikka ljóslausa bíla og tilraun 3 fólst í því að segja "takk fyrir mig" þegar ég er að fara upp úr sundi og ganga út. Ég veit ekki hvort við erum svona hrikalega vel upp alin á Óló en allavega er þetta umhverfi hérna ekki að ýta undir almenna kurteisi og vingjarnlegheit. Fólk segir bara ALDREI góðan dag af fyrra bragði og mjög sjaldan sem það tekur á móti ef ég byrja, kom reyndar nýtt met í Kjarnaskógi í gær þar sem allir voru voðalega ligeglad á kvöldgöngu(plús í kladdann þar), fólkið í sundlauginni segir heldur ALDREI af fyrra bragði "takk fyrir komuna"(eins og maður gerði meira að segja við úglendina við sundlaugarvinnu á Óló) og þó svo maður segi takk fyrir mig, þá þykjast þær stundum ekki heyra það, en ég tala ekki manna lægst og ég veit að þær bara nenna ekki mannlegum samskiptum.....fáiði ykkur nýja vinnu!! Já og niðurstöður í tilraun númer 3 er mj0g mismunandi. Maður blikkar ljóslausa bíla sem maður mætir og það er til fólk sem bara kveikir, og heilsar með þökk. Svo eru það sumir sem fatta bara ekki neitt og skilja ekkert af hverju ég var að blikka þá. Svo eru það þeir sem vita að þeir eru eineigðir en nenna ekki að skipta um peru og verða brjálaðir út í mig og bíbba á mig eða setja hnefann út í glugga í átt að mér en Í dag fékk ég nýja niðurstöðu þegar ég mætti ég kolgeggjuðum gaur á svakalegum pallbíl. Ég blikkaði hann svolítið langt frá og hann blikkaði mig á móti, byrjaði að beygja á móti mér á minn vegarhelming, bíbbaði eins og brjálæðingur og endaði á að gefa mér FOKKMERKI þegar við mættumst á meðan ég söng bara með útvarpinu í góðum fílíng!!! Hvað er í gangi, hvar endar þetta spyr ég nú bara??? Allavega þá ætla ég ekki að hætt með þessar tilraunir sem eru búnar að standa yfir síðan ég flutti á AK og stefni ég á að stunda þetta þangað til ég flyt héðan aftur, þannig að passiði ykkur nú, þið gætuð verið næst í kurteisistilraun Lísu skvísu!!! durururummmmm

 

AÐ Nikurlásamótinu sem er á helginni...Við Rúní ætlum til Óló eins og alltaf á fös í mat til Ingós og SvönnuBoggu og svo er planið að fara að veiða út á bryggju..djí hvað ég hlakka til. Stefnum einnig á að tjalda nýja tjaldinu okkar og athuga hvernig það veðrast um helgina svo er það bara leikur á sunnudaginn á GRENIVÍKURVELLI kl. 14......ALLIR AÐ MÆTA og hvetja okkur, erum hreinlega að berjast um toppsætið í deildinni, úllalí. Birna og Tóti þið munið stefnumótið á sunnudaginn um 18 leytið og núna ætlum við að fá að sofan í ykkar sófa, við skulum koma með teppi tí-hí

XXX LiZ

ITALY

Vá hvað þetta var mikil snilld í gær þó svo að það sé aldrei sanngjarnt að vinna eftir vítaspyrnukeppni, nema í gær af því að mitt lið rústaði þessu  Svalastir. En hvað var málið með Zidane í gær ég bara trúi ekki að maðurinn hafi gert þetta. Þessi knattspyrnumaður hefur verið einna virtastur í bransanum og toppaði ferilinn á því að skora eitt, í 100. landsleiknum, fá rauða spjaldið og útaf ég bara skil ekki þessa ákvörðun hans. Hvað ætli hafi farið þeirra þarna á milli? tillögur eru vel þegnar í kommentin. Ég segi að ítalinn hafi klipið hann í geirvörtuna og rifið hringinn úr til minningar um Zidane í kynlífsleikjunum sínum í framtíðinni!!!

Annars eru 2 spennandi leikir á dagskrá í dag og má þar nefna númer EITT lið Magna á Genó en þar munum við spila fyrsta heimaleik okkar kl. 20 í kvöld við Hött frá Egilsstöðum og það er eins gott að við pökkum þeim saman til að halda stöðunni ma´r!! Seinni stórleikurinn í kvöld verður sýndur í TV á Sýn og þar er hann Fjalli Rokk að fara að sýna sig og sanna á milli stanganna. Endilega hvetjið hann til dáða fyrir mig.... Áfram Fylkir. Gæti nú svo sem alveg brunað á jeppanum suður á fyrri hálfleik hjá Fjalari og rennt svo á Grenó á kerrunni og horft á seinni hálfleik hjá mínum skvísum hann liggur svo ruuusssssssssssssssalega á veginum drengur!!!

Lifð heil og gangi ykkur vel í boltanum í kvöld

SsangYong - Kyron Turbo Diesel

Öss öss þvílíkur bíll sem við vorum að versla á gær, ég bara get ekki hætt að horfa á hann eða hugsa um hann, díses hvað hann er GEÐVEIKUR og að keyra hann um..mm.M  Hlakka bara til að fara að þruma í gegnum skaflana í Múlanum í vetur, ekki það að Corollan hafi ekki staðið sig vel, það var bara orðið verra þegar það sást ekki í hana vegna snjóa og litbrigða!! Svona númer 2 á fréttalistanum þessa dagana er auðvitað BlúsHátíðin sem hófst í gær á Ólafsfirði þar sem fram komu; Hundur í óskilum, Túpílakar o So stórsveitin og grínistarnir....HVANNDALSBRÆÐUR. Fullur salur af fólki og gríðarleg stemning í salnum og vá hvað var gaman. Maður var búinn að hlæja sig hásan af textum, framkomu, ljóðalestri og hálfvitagangi í þeim félögum, takk fyrir mig.

Annars kúrðum við bara í fellihýsinu í nótt við Rúní því það var bara troðfullt hús hérna í Garðstígnum en það var voða kósí og alltof heitt. Edda og Brandur eru nebblega í okkar íbúð á Ak út af Esso mótinu sem þýðir að Akureyrarbær er troðfullur og er búin að vera síðan á miðvikudag. Vá hvað þolinmæðin mín er lítil á götunum þegar allt er fullt en ég horfi bara á mælaborðið mitt og verða þá strax glöð yfir nýja kagganum...sjitt. Pollamótið er líka í fullum gangi og var okkur Magnastelpum bara allt í einu meinaður aðgangur, vorum sko búnar að fá leyfi til að keppa en fyrst við erum svona góðar þá bara þorðu þeir ekki annað en að skrá okkur úr keppni og notuðu það sem afsökun að við mættum það ekki því við værum með lið í deildinni, en samt mátti 3. deild karla vera með lið!!! Hjelló? Ég veit ekki betur en ég sé hreinlega skráð í 3. deild karla og sé í eins leikja banni!! tjékkitát: http://www.fotbolti.net/fullStory.php?id=36727?&flash=true !! Þetta er ekki samkvæmt sjálfu sér þetta lið. En svona er þetta bara. Ég hugsa bara aftur um bílinn og brosi allann hringinn

Gullkorn af leikjanámskeiðinu í gær "(the boy)Já mamma ætlar að láta skjóta einn hest því hann er eitthvað lasinn. "Þinn hest?(spurði ég)", "(hann), sko ef hún gerir það...(smá bið og mikið hugsað).... ............."ÞÁ SKÝT ÉG HANA"...dúlli dúll. En þetta var allt að enda í dag og þakka ég þessum krílum fyrir mig, ég á svo sannarlega eftir að sakna þeirra....XXX Lísa

Útilegustemmari um helgina

Við hreinlega skelltum okkur í Vaglaskóg á föstudaginn í blíðuveðri á eftir bróður vor og fjölskyldu og hittum Birnu og Auðunn úr Mörk eiginmann hennar, en hann ásamt fjölskyldu sinni, á land við hliðina á fjölskyldusvæðinu í Vagló sem heitir Mörk og við gistum þar á þessum fínasta stað. Brugðið var á leik eins og í öllum útilegum en hælsærið lét mig alveg vita að það væri ekki gróið sko! Fórum í krikket og frisby og fótbolta og gönguferð upp á Sjónarhól og heimsóttum Línu langsokk, Níels og hestinn auðvitað fengum Hákons gæðaslím með okkur heim! Brunuðum í Sund á Stóru Tjörnum í sól og blíðu og svo rigndi líka smá en það er bara að vera ávallt viðbúinn, sem við vorum! Stjáni og Björn Ægir léku á alls oddi svo var auðvitað líka keppt í Boccia og Kubb sem mitt lið vann Naturlich.

Nú er það bara vonandi að maður fari að komast í takkaskónna því nú verður sko tekið á því á æfingum þó það væri nú ekki bara nema ti að hrista allt góðgætið af sér sem maður tróð ofaní sig um helgina. Össs. Hildur mín til hamingju með stóru prinsessuna, hún er algjört æði.

Á föstudaginn var svo hún Hanna okkar tekin í gegn á föstudaginn á hádegi og gæsuð af okkur hinum. Ég var reyndar ekki með nema í upphafsatriðinu vegna löngu ákveðinnar útilegu en þið ráðið bara hvað þið verðið lengi reiðar við mig, svona er þetta bara  Byrjuðum á að láta kalla hana á fund í Mjólkursamlaginu og við mættum þar með kúrekahatta og reiðbuxur og hún var klædd eins upp í sett í gúmmískó og ullarsokka, svo var brunað á Dalvík á hestbak. Hún var látin elda í gamla húsinu þeirra á Óló og tekið var svo á því í Jóga hjá Snjóku áður en farið var á trillu og Sjávarútvegsfræðingurinn látinn sýna okkur hvað hún væri klár á veiðafærin!!! Planið var næst að koma í land út á kleifum og fara upp á Jaðar að grilla og súpa öl og gekk víst á ýmsu á meðan ég kúrði bara í tjaldi einhversstaðar. En ég læt nú sjá mig í Brúðkaupinu sem er aðeins eftir 20 daga þannig að Birgir þyrfti eiginlega að fara að koma heim að sjónnum. Annars er ég farin að henda upp úr töskum og ganga frá eftir þessa geggjuðu ferðahelgi.... Over and out.. Lísa