NEYÐARKALL-inn í hús í dag, allir að styrkja!

Bræður og systur út um allan "heim" verið dugleg að styrkja Björgunarsveitina sem kemur í hús í dag að selja Neyðarkall á einar 1000kr. Þið vitið aldrei hvenær þið eigið eftir að lenda í vandæðum núna á næstunni eða seinna í framtíðinni. Það eru allir að leggja líf sitt af mörkum. Takið þátt

Eldist myrkfælni af manni?

Hvað er málið að maður haldi að maður verði hraustari og sterkari hvað varðar myrkfælni þegar maður eldist? Það er sko bara algjör kolvitleysa, allavega í mínu tilviki þar sem ég ætlaði nú aldeilis að taka mér yndislegan og langþráðan stuttan göngutúr í rigningunni í gærkveld. Ég var búin að velja mér stað og allt, ætlaði rétt að labba 2km hérna upp að Ármannsvatni, en viti menn ég var lögð af stað yfir brúnna en þá fór ég í minn skemmtilega "Ímyndunarleik" og myrkrið tók yfirhöndina og öll sú hræðsla sem ég hef nokkurntíma haft gagnvart því undanfarin æskuár, margfölduðust um 100 og ég fríkaði út í myrkrinu þarna hinu megin. Hljóp til baka yfir brúnna og labbaði bara upp á Hornbrekku og til baka þar sem voru stinnir og traustir ljósastaurar alla leiðina - Hugrökk mamma!!

Kom svo heim eftir skemmtilegt trimm með hjartað í buxunum og ætlaði að bjóða dóttur minni með mér í sturtu, en nei þá var hún sofnuð eins og vanalega þannig að það var tekið skrúbbþema þar í staðinn og maski og lotion og ég veit ekki hvað og hvað. Ætla sko ekki að vera ein af þeim sem fallast undir rannsóknina hjá F.S.A. þar sem 60%kvenna hætta bara öllu og algjörlega að hugsa um sjálfan sig og verða bæði of feitar á meðgöngu og jafna sig síður eftir meðgöngu, og í öllum þessum tilvikum hafa þær þurft að enda í keisaraskurði vegna þess að barnið ýmisst situr, því þær hafa setið á rassinum sínum líka síðan það kom jákvætt á prufuna....NO NOT ME THANK YOU VERY MUCH. Ég var mjög vel undirbúin fyrir þetta allt saman og er öll að renna saman aftur og það á frekar stuttum tíma, að mér finnst, þannig að þið sem eruð óléttar núna, viljiði bara drífa ykkur í sund og vera þar þangað til kemur að fæðingu, kannski er ég búin að tala í marga hringi, en mér er alveg sama, ég skil þetta 

Bidda sæta mín og Mikael Breki ætla að renna á okkur í dag og vá hvað ég hlakka til að sjá þau. Litli kútur er orðinn svo stór að það verður örugglega skrítið af miða hann við prinsessuna okkar allavega, og mér finnst hún vera orðin risastór á 2 vikum. Það er meira að segja til kaka og allt handa þeim þar sem Rúnar bakaði í gær. Reyndar er líka fínt tilefni til að fagna þar sem í dag er 24. október og það eru hreinlega 10 ár síðan ég fékk bílpróf. Já og hann Einsi minn á líka afmæli, þannig að við óskum honum innilega til hamingju með það.

Horfðum á Venna Páer í gær og þetta eru náttla bara snilldarþættir, mikið hlegið og ætla ég að enda þennan pistil á því að negla hérna inn minni uppáhaldssetningu úr þættinum í gær:

"Bjössi minn, langtímaáhrif eru bara LÖNG skammtímaáhrif".......ví 

Prinsessa fædd 11. október kl. 14:58

Já eins og flestir vita þá rættist spádómurinn úr bollanum mikla hjá henni Arndísi og litla stúlkan okkar fæddist kl. 14:58 á fimmtudaginn. Stundin var svo yndisleg að það er ekki hægt að lýsa henni á neinn hátt með orðum. En við erum sem sagt komin heim og byrjuð að takast á við þetta frábæra foreldrahlutverk sem okkur hefur verið falið og erum við bara vel stemmd í það og allt sem tengist því

Sama dag og skvísan mætti í heiminn eða nánast á sömu mínútu þá hreinlega hrundi Borgarstjórnin í Reykjavík þannig að það er spurning hvort maður eigi að túlka það að hún verði sami stormsveipur og mamma sín eða hvað?! Við sjáum til Annars verður örugglega eitthvað lengra á milli pistla á þessari síðu þar sem við erum gjörsamlega sokkin í hina síðuna. Þannig að ef þið hafið áhyggjur á því að við séum ekki að standa okkur þá kíkkiði bara á www.barnanet.is/lif og sjáið hvað við erum að bralla. En þangað til næst þá bið ég ykkur bara að lifa heil og hafið það sem allra best.

 Kveðjur til ykkar frá okkur...Lísa, Rúnar og prinsessan

Lögð inn og komin heim!

Jújú, helginni eyddum við í afslöppun en samt sem áður þá rauk blóðþrýstingurinn upphjá mér og bjúgurinn var óstjórnlegur þannig að þær vildu fá mig inneftir. Eg fór í einhver test og þá kom í ljós að ég var komin með meðgöngueitrun og var því lögð inn. Þurfti að gista í 2 nætur og skila þvagi í sólarhring og áorkaði hvorki meira né minna en 3lítrum takk fyrir, geri aðri betur. En þetta var svo allt rannsakað í dag og var þetta orðið það vægt að þær leyfðu mér að fara heim þessar yndislegu ljósmæður þarna innfrá. Verð bara að passa mig og liggja og gera ekki neitt. Fór í mónitor og þar voru komnir samdrættir inn í myndina þannig að hver veit hvort eitthvað sé að fara að gerast, vonandi, held bara að við séum að springa úr spenningi.

Enn ég bið ykkur hér eins og á baby-síðunni að vera ekki reið þó þið fáið ekki skilaboð um leið og allt gerist því við ætlum hreinlega ekki að stressa okkur á því, ókey?? Við þekkjum svo hriaklega marga sem okkur þykir ofsalega vænt um og við erum ekki að gleyma neinum þó svo hugurinn sé ekki alveg hjá ykkur á næstu dögum. Takk fyrir skilninginn :-D Við getum þó lofað ykkur því að þið komist að því á endanum hvað gerist, hvort kynið var, stærð, þyngd og lengd og hvernig allt gekk, believe me. .....With Love Lísa and Rúnar

 

Við mamma fórum í bollaspá í gær til Arndísar galdrakonu og vá hvað það var skemmtilegt. Hún benti mér m.a. á það að það væri 1 dagur í að krílið kæmi í heiminn og við skulum svo sannarlega vona að það sé rétt, þá er það kannski bara á morgun, ja eða hinn. Plís bara ekki lengur en það! Ég veit að ykkur finnst kannski ekkert rosalega spennandi að lesa bloggið þessa dagana þar sem allt snýst um væntanlega fæðingu og svolleiis en sorry það bara kemst ekki mikið annað inn í kollinn minn þessa dagana

En ef þið hafið ekkert að gera þá ligg ég heima og læt mér leiðast því ég má ekki hreyfa mig þannig að þið eruð velkomin í heimsókn að stytta mér stundirnar. Thanks...bye 

Let it snow, let it snow - LET IT SNOW!

Já það vottaði örugglega fyrir þessu dásamlega jólalagi í hugum margra Ólafsfirðinga þegar þeir stigu úr rekkju í morgun og litu út um gluggann. Það var gjörsamlega allt hvítt, sást ekki í bílinn okkar, gras né götur og gröfurnar voru mættar að skafakl. 10 í morgun. Oh hvað mér fannst þessi snjókoma kósý. Ég var næstum því búin að skella mér í snjógallann, hringja í Hilmar og biðja hann að koma út og gera virki en sökum ástands míns þessa dagana þá ákvað ég bara að leika við Rúnar í staðinn Ég reyndar hringdi í stórfrænda minn Kristján Már Kristjánsson 2gja ára snilling og spurði hann hvort hann ætlaði ekki út því hann er sem sagt hræddur við snjó þessi snúlla. Hann sagðist ekki ætla út því hann myndi ekki þora og skammaðist sín sko ekkert fyrir það. Við kíktum síðan til Bróa og Helgu og þau sögðu okkur að Helga hefði náð honum í útigalla, stígvel, húfu og sólgleraugu en hann vildi ekki snerta snjóinn og stóð í útidyrahurðinni og horfði á mömmu sína á meðan hún gerði snjókall hehehehe, ég bara get ekki hætt að brosa yfir þessum snillingi! 

Leikurinn í dag var hinn ágætasti og hefði ég reyndar viljað sjá á bikarnum í hendur Fjölnismanna bara út af því hvernig aðstæðum þeir voru í áður en leikurinn hófst. Án "sinna" bestu leikmanna þar sem FH-ingar voru hræddir við þá. Aumingjalegt að mínu mati, jújú fengu titilinn og 500þús kalli meira en þeir bara gátu ekki neitt og voru Fjölnismenn að sína miklu meiri baráttu sérstaklega þegar leið á leikinn. Hefði viljað að þeir næðu að halda 1-1 og unnið þetta svo á vító, djös snilld hefði það verið. En svona er boltinn og ég óska FH-ingum til hamingju og góða skemmtun í rallllinu í kveld...

Sjáumst á skautum á morgun

Undraland :-D

Jæja þá er það hér með ákveðið að kotið okkar krúttlega heitir  "Undraland" og fékk minn heittelskaði að ráða og af því að hitt fannst honum svo væmið þá ákváðum við að skella þessu frekar upp í grín en hitt og vá hvað ég hlakka til að fá mér svona skilti til að setja á húsið....Wunderbar! En guð minn góður það styttist og styttist í settann dag og ég trúi varla að október sé runninn upp og hvað þá að það er kominn 2. þess mánaðar sem þýðir að ég á litla 10 daga eftir c.a. best að segja plús/mínus, gæti komið fyrr og gæti farið framyfir jaaa...t,d 14 daga en það væri mjög týpískt fyrir mig og mína heppni. Ekki það að ég er mjög stundvís manneskja og ætlast auðvitað til þess að barnið mitt verði það líka

Guðný ÆSKUVINKONA mín kom í heimsókn til okkar í gær og smellti okkur á filmu í hinum ýmsu stellingum og var það bara hrikalega gaman og ég held að hún hafi skemmt sér líka konunglega. Við vorum út um allt hús og það var svo notalegt að gera þetta bara heima og hafa kósíheit og mun þetta koma á netið von bráðar, kannski bara í kvöld eða á morgun hver veit. En þar sem við erum með svo lítið myndapláss hér og að barnið fer nú alveg að koma í heiminn þá ákváðum við bara að gera síðu á barnanet og henda inn myndunum þar, nú ef hlutirnir ganga ekki upp eins og við ætlum okkur þá var okkur bara ekki ætlað þetta allt saman strax, en verum jákvæð og horfum fram á við. Slóðin er www.barnanet.is/lif ef þið viljið deila þessu með okkur þá eruð þið velkomin

Við vorum inn á Akureyri áðan í vaxtarsónar og það leit allt rosalega vel út, gott flæði um naflastrenginn og hjartslátturinn gladdi minn hjartslátt svo mín klökknaði. Hinar ýmsu mælingar voru gerðar og taldi fæðingarlæknirinn að við værum komin upp í svona 13-14mörk þannig að það er alveg frábært, ég var farin að halda að ég væri að ganga með eitthvað 20marka barn því allir eru að segja mér hvað ég hef stækkað hrikalega mikið undanfarið en mér var sem sagt mjög létt eftir þessa skoðun og hlakka bara til. Hittum Óla og Erlu frá Blönduósi þá var hún að fæða í gær eða það endaði reyndar í keisara og eignuðust þau 16marka strák og 52cm og vá hvað hann var sætur. Innilega til lukku með frumburðinn..En nú er það bara að liggja áfram og reyna að halda bjúgnum aðeins niðri(sjá nýja mynd í albúmi), þetta er hreinlega eins og Gyða sagði svo réttilega...kususpenar hehehe

Over and out...L and R 

 

HUGO BOSS...

oh.....gott að vera komin heim í Kúrukotið með allt nýja dótið og nýju HUGO BOSS fötin gæjans míns sem áttu að kosta 59.900 en það var 50% off þannig að við sluppum með 30kallinn sem er snilld fyrir svona flott föt og vá hvað hann var sætur í þeim í weddinginu...fjúff!!Tillögurnar góðar á húsinu og ég er mjög sammála þessu nafni en Rúní er með einhverja stæla og vill ekki hafa þetta svona væmið, hann er svo rough þessi jakkafatamassi

En vá hvað Reykjavík er leiðinleg maður, það eru að meðaltali 3 bílar á heimili þarna og það er gjörsamlega allt að springa utan af sér hvort sem það er bílastæði, íbúðahúsagötur eða þessar brautir eins og Miklabraut og co, aldrei myndi ég halda geðheilsunni að búa þarna og vorum við mjög fegin að koma heim í hlað á sunnudagskvöld.

Brúðkaupið var reyndar geggjað og vá hvað hún Helena var falleg og þau og Lena er náttúrulega bara snillingur í sínu starfi og gerði þennan dag frábæran. Ég söng 3 og hálft lag eiginlega og gekk bara fínt og svo í veislunni mætti Stebbi auðvitað og tók lagið surprise fyrir brúðhjónin sem var reyndar geðveikt, allir tóku undir og þvílík stemning sem kom í salinn. Þannig að utan við mína heilsu og minn fallega bjúg þá var þessi ferð brilliant, ég þurfti að kaupa mér skó nr 42. þið getið rétt ímyndað ykkur hvernig fæturnir fallegu eru orðnir hehe! ...Gistum hjá Frigga og Hrund, hittum Hildi Völu og Jón, Golla og Konna, Svavar Örn og Danna, Fjalla og Fríðu, Jónnu Bjöss, Hjalt bró og fleira fallegt fólk en toppurinn á ferðinni var auðvitað að versla fyrir erfingjann sem er á leiðinni og vá hvað við völdum gegggggggjaðan vagn, get ekki beðið eftir að fara á göngu með hann. Hugsuðum til Ólafsfjarðar og ákváðum að kaupa ekki eins og allir í heiminum eiga þar annað hvort bláan eða svartan vagn þannig að við keyptum skær-rauðasta vagninn sem fannst í búðinni og dí hvað hann er flottur. Misstum okkur líka aðeins í IKEA og Olavía og Olíver en það var bara gaman. Erum búin að henda ljótu mottunni út í forstofunni og gera hana upp á nýtt þannig að það er orðið kósý líka í forstofunni, nammi namm. Á heimleiðinni lentum við reyndar í þvílíka rugl veðrinu þar sem var skínandi sól og risastór snjókoma upp á heiðunum. Réttir voru líka á sínum stað og held ég að Lína hafi verið þarna í essinu sínu að hóa á eftir þessum skrilljón rollum sem við mættum!! Bílaröðin var reyndar stór eða svona um 200 bílar að bíða eftir rollum og á svipnum að dæma af fólkinu þá voru nokkrir búnir að framkvæma glæp í huganum, en við Rúní tókum ´essu bara eins og danirnir og vorum frekar ligeglad með myndavélina bara, enda vön þessum röðum í borg óttans og ég tala nú ekki um rollurnar sem hafa verið hjá okkur á lóðinni í sumar

En dagurinn í gær fór bara í að ganga frá og setja saman dót og þvo þvott og eitthvað svonna og reyndar fór húsmóðirin á heimilinu út í garð í gær og tók upp kartöflurnar í garðinum og uppskeran var bara algjör snilld, ummm elduðum okkur í gær og þær bara bráðnuðu upp í manni, reyndar með miklu smjöri!!  ...Að lokum vil ég óska Leiftur/KS til hamingju með árangurinn að komast upp og vonum bara að næsta summer verði jafn flott. Tillykke over and out

Áfram Ísland...

Jújú við rennum af stað í fyrramálið af stað til borg óttans að versla og versla fyrir litla babíið sem er alveg að koma í fangið mitt þannig að það er gríðarleg tilhlökkun í gangi hjá okkur. Vorum um helgina að þvo barnaföt og dúlla okkur í að gera klárt, ekkert smá sætt allt saman og vá hvað þetta er allt lítið. Maður er ekki alveg að átta sig á þessu Ég stækka og stækka og fæ meira bjúg og meira bjúg og ég sver að þegar ég brosi þá vottar fyrir góðum svip af súmóglímukappa í augunum þ.e. í þau skipti sem að sést í þau Fer nú samt ennþá og syndi mínar 40 ferðir og hangi í pottinum það sem eftir er dags því þar líður mér langbest. Reyndar líka í baðkerinu á kvöldin það eina er að baðið mitt er svo lítið að mér er alltaf ískalt á bumbunni þegar ég fer í bað á kvöldin að slaka á því hún stendur lengst uppúr!

Rúnar er allur að koma til í bakinu og hendinni og byrjar hjá sjúkraþjálfara í fyrramálið þannig að þetta er allt að skríða saman vonandi. Hann og mamma takið eftir, ekki ég!, saumuðu gardínur fyrir efri hæðinu í vikunni og vá hvað er orðið kósý og flott hjá okkur, hreinlega elska heimilið mitt og held bara að ég eigi aldrei eftir að sjá eftir að hafa flutt heim aftur, LOVE IT Það eina sem vantar á húsið mitt er eitthvað nafn, mér langar svo í svona skilti eins og í gamla bænum og að vera kennd við einhverns svona bæ eða eitthvað eins og í gamla daga og ef þið hafið einhverjar skemmtilegar hugmyndir um nafn á kofann þá endilega látið vita í kommentið, mér persónulega hefur dottið margt í hug en það vantar eitthvað, ætla að prufa nokkur nöfn og sjá hvernig mér finnst þau passa þegar ég ber nafnið mitt við það 

Kveðja....Lísa í ...."Kattholti" hvernig hljómar það???  

Photos los bumbos

Þá eru komnar aðeins fleiri kúlumyndir og ég veit að ég er ekkert að standa mig í að uppfæra þetta blogg, en mér er bara skítsama Er samt núna hætt að vinna þannig að kannski maður fari að bulla meira og kvarta og kveina yfir þeirri "löngu" bið sem framundan er. Yeah foks, that´s right, only 5 wees to go og þá kemur okkar yndislega barn í faðminn minn, get ekki beðið

En það er bara ýmislegt búið að gerast hérna hjá okkur og staðan ekkert ofsalega góð á heimilinu þar sem ég er með grindagliðnun og bjúg dauðans og Rúní með ónýtt bak og höndina í fatla þá komum við ekki mjög miklu í verk. Við klæðum hvort annað í sokkana, hann er kominn með hitapokann minn og snúningslakið og svo förum við á göngu á hraða snigilsins eins og áttræð hjón til að liðka okkur aðeins. Díses kræst þetta er bara fyndið sko, ætluðum að baka pizzu á sunnudaginn en þá var mér svo illt í baki og fótum að ég gat ekki staðið og hann gat ekki hnoðað deigið þar sem öxlin var úr lið þannig að þetta er pínku flókið dæmi en vonandi fer þetta að lagast. Við erum frábært team og vinnum vel saman þegar á reynir

Mamma afmælisbarn og pabbi hinn mikli komu heim í gær frá Portó og við tókum að sjálfsögðu á móti þeim með pompi og prakt. Vorum búin að bjóða til surprise-veislu í Ólafsveginn, með blisum og kampavíni og öllu tilheyrandi. Gott að fá þau heim og jú auðvitað fengum við pakka...nike nike og aftur nike þannig að skvísan var alveg í skýjunum og Rúnar auðvitað líka. Takk fyrir okkur brúna fólk!

P.S. ef þið hafið lausan tíma þá er ykkur velkomið að slá garðinn eða þvo bílinn eða skúra heimilið þar sem hvorugt okkar getur gert það þessa stundina, annars bið ég ykkur bara að lifa heil, en ef ekki þá eruð þið velkomin í þemað í Ólafsveginum "liggja á bakinu með hátt undir fótum og drekka mikið vatn"... 

Ein ég sit og sauma!!!

Eða ekki....hef ekki alveg þolinmæðina í það enda er ég vel undirbúin að skilduverkefnum Grunnskólans hérna fyrir nokkrum árum þegar ég þurfti að sauma, barnanáttföt, skírnakjól, hekla húfu og hosur og svo saumaði ég líka vöggusett með upphafsstöfunum mínum og fiðrildum og blómum í kring og vá hvað ég er stolt af því í dag að ég hafi gert þetta. Takk amma og mamma fyrir að reka mig áfram í þeim efnum

Rúnar fór snemma í morgun að taka þátt í fjallabjörgun að leita af Þjóðverjunum tveimur og endaði það ekkert ofsalega vel þar sem hann hrasaði við sprungu og fór úr axlarlið. Hann var fluttur með þyrlunni á búðasvæðið þar sem honum var síðar kippt í liðinn þannig að hetjan mín er á batavegi. Hann kemur svo í fyrramálið með flugi þannig að það verður rosalegur léttir að fá hann heim og hjúkra þeim sæta.

Skólinn er svo bara að byrja og mér hrakar á hverjum degi, með bjúg, þungan hjartslátt, grindagliðnun og svima, ekki alveg fyrir mig að skella á svona vegg en svona er þetta bara þegar síðustu metrarnir eru eftir og finnst mér mjög líklegt að ég klári bara næstu viku í vinnu og fari svo að undirbúa mig undir maraþonnið mikla í byrjun október. Hjalti bró er mættur á svæðið og voru þeir að keppa við ÍBV sem endaði í tapi, en þetta blessaða tímabil fer nú að klárast og held ég að allir verði bara fegnir. En ég er hins vegar farin að kúra í vídeó í kósý myrkri og með kertaljós og nýt þess að hlusta á þessa hellirigningu undir súðinni hérna í Ólafsveginum