Gott fordæmi...eða ekki??

Augað er á leiðinni í lag að því er virðist og slapp ég við að fá leppinn. Ég var eiginlega svolítið svekkt því mér fannst svo kúl að vera sjóræningi þegar ég var lítil þannig að mín fantasía gekk ekki eftir í þetta sinn. Byrjaði annars þann dag rosalega vel, þar sem ég tók bensín á olíubílinn minn og þurfti að drepa á honum á staðnum og láta draga mig á verkstæði, þurfti að redda öðrum bíl í staðinn og það var enginn heima í fyrsta lagi, síðan fundust ekki lyklarnir að lánsbílnum þannig að þetta var alveg yndislegt og nóg til þess að mín viðkvæmni á þessum tíma meðgöngunnar naut sín í botn og já, ég grenjaði frá Ólafsfirði til Dalvíkur Kíkti á Esso mótið og hitti nokkra gamla félaga þ.á.m. Davíð Óla sem var uppáhalds þann dag og hann bjargaði mér alveg upp úr vonleysinu. Takk fyrir það miðdget

Gott hjá Forsetanum að fá sér þennan frábæra umhverfisvæna LEXUS og sýna gott fordæmi í sjónvarpinu fyrir aðra, en hins vegar tók ég eftir stærra atriði að mér fannst, sem var það að Forsetinn okkar var EKKI Í BÍLBELTI á meðan viðtalinu stóð og þau voru að keyra þannig að maður spyr sig....Hvað er gott fordæmi??

Rúní er í fjallgöngu í Héðinsfirði með Kristjáni bróður og lögðu þeir af stað í svartaþoku. Vonum bara að allt fari vel og þeir skili sér heilir heim. Ég nýt þess reyndar til hins ýtrasta að vera ein heima og er búin að baka, fara í ræktina, horfa á fótboltaleik sem b.t.w. við unnum, til hamingju Leiftur/KS og já svo kom ég mér hrikalega vel fyrir í sófanum og er búin að horfa á 3 ræmur hvorki meira né minna og það er ein eftir, þvílík snilld. Stefnir allt í skírn á morgun hjá Sigga og Elmu og gerum við okkar besta við að mæta.... Until then

Líseabetsa 

Athugasemdir

[Gullý (IP-tala skráð) 8.7.2007 kl. 23:33]

Ég hefði pottþétt farið að gráta líka, fékk nú bara massa tár í augun við að sjá bumbumyndina af þér  reyndar var það vegna gleði en ekki pirrings en þessa dagana skiptir litlu máli hvaða tilfinning kemur yfir mig, ég grenja yfir öllu

[Helena (IP-tala skráð) 12.7.2007 kl. 09:44]

æðisleg bumbumynd af þér darlingur ;-) Luv, H