Lísa og Rúnar

Föstudagur, 15. desember 2006

Jólaklúbbur í kvöld...hóhóhó

"Ég hlakka svo til....Ég hlakka alltaf svo til, nú er hver dagur svo lengi að líða, mér leiðist skelfing að þurfa að bíða"...Það bara hljóma ekkert annað en jólalög þessa dagana og ég bara get ekki beðið lengur en samt er alveg heil vika þangað til allt saman kemur í fangið á manni. Við erum ennþá að ákveða hvar við eigum að vera, það eru opnir faðmar alls staðar og við erum velkomin út um allt, erum að melta það að prufa að vera bara tvö heima hjá okkur en mér finnst það svolítið skrýtið en verður örugglega voðalega kósý hins vegar. Sjáum til....munið bara að hver sem niðurstaðan verður þá þykir okkur alltaf jafn vænt um ykkur öll

Jólaklúbburinn er í kvöld og ætla skvísurnar að skreyta götur bæjarins og koma með pakka og öl í Ólafsveginn í kvöld. Byrjum á dinner og svo eftirrétt og svo er spurning hvar við endum!! Hlakka svo til að fá ykkur stelpur. Leynivinavikan er í hámarki núna og fær maður nánast pakka í hverjum degi. Ég er búin að fá tvær jólastyttur, tvö viskastykki handa Rúnari kokk, englastyttu og fullt fullt af fallegum orðum svona til að peppa mann upp í skammdeginu, oh þetta er yndislegt. Hafið það sem allra best, ég fer að setja inn myndir af jólahúsinu okkar Gullý mín, ég lofa að reyna allavega að muna það!!!