Lísa og Rúnar

Þriðjudagur, 28. nóvember 2006

Nú minnir svo ótal margt á jólin..

Dí ég bara get ekki slakað á í jólaskapinu, er byrjuð að skreyta meira og meira og skipuleggja allt sem ég ætla mér að gera fyrir jól og jólalögin eru gjörsamlega búin að heltaka mig Takk fyrir kveðjur afmælisbarnsins elskurnar og miðað við sms-in þá held ég að ég hafi unnið skreytingarmótið sem var um helgina.

Leikritið á föstudaginn var algjör snilld og mæli ég með því að fara á svona öðruvísi leikrit eða Hr. Kolbert. Þvílík drama og blóð og læti og svo ég tali nú ekki um nektaratriðið.....fjúddfjú!! Inn á Akureyri eða í kaupstaðarferðinni þá versluðum við held ég bara fyrir allann desember í Bónus, dí maður, skottið fullt og bíllinn og allt og við tókum með okkur kælibox undir frystivöru, hehe mér leið í fyrsta skipti þarna eins og ég byggi í sveit en það var bara svo kósý að gera þetta svona og geta svo bara farið frá Akureyraræsingnum í fjörðinn fagra. Hið ljúfa líf Hele familien kom í laufabrauð á sunnudaginn og vá ó vá hvað voru margir og hvað var gaman. Gerðum ég veit ekki hvað margar kökur og borðuðum gjörsamlega yfir okkur af nammi og sætabrauði sem við amma bökuðum, nammi namm.

Nú er bara verið á fullu að undirbúa árshátíðina sem verður á föstudaginn þannig að það eru allir út í málningu hér og endalaust fjör. Bið að heilsa ykkur í bili og vonandi lifið þið sem heilust fram að jólum...