Jæja jæja

Maður er nú loksins að jafna sig eftir helgina og allt skrallið á laugardaginn, díses þetta verður sko ekki endurtekið í bráð, ekki það að það var alveg hrikalega gaman, bara höfum það aðeins minna af hinu góða næsta skipti. En Bryggjuhátíðin gekk vel og söngurinn líka, reyndar ekki á ballinu þar sem ég var ekki í standi til að syngja, og Sæsi var hvorki með texta né neitt lag sem ég kunni þannig að ég var eins og hálfviti þegar hann byrjaði að spila á nikkuna, en það er víst liðið og þýðir ekkert að svekkja sig á því.. Brynki frændi sýndi gríðarlega takta á dansgólfinu og allir frændurnir í stuði eftir vel heppnað Lokahóf Leifturs og KS.

Marý mætti svo til mín í gær og við tókum útilegukaffi á veröndinni heima og Bjössi bekkjabróðir kíkti líka á okkur og við vorum að rifja upp hvað greyið kennararnir okkar máttu þola hérna í den. Þá var það það slæmt að maður var að reyna að vera vondur(þau sko :-D) til að fá að fara í tossabekkinn til Palla því hann keypti alltaf kók og nammi handa þeim, þvílíkt. Þórir læsti Hjölla einu sinni inn í skáp og ég veit ekki hvað og hvað. En þetta var mjög gaman og hlógum við ekkert smá mikið :-D

Gardínukaupin eru ekki ennþá gengin í garð því hann Rúní minn fékk allt í einu skoðun á hlutunum og fannst ekkert flott það sem ég var búin að velja þannig að núna erum við komin með 7 kappa heim og það verður haldin sýning í kvöld í Ólafsveginum, áhugasamir mætið um 8 :-D Bið að heilsa ykkur í bili og vona að allir séu svona að ná sér andlega og líkamlega tí-hí.....Ciao