Vika eftir af skólanum

Jess þá er dagurinn liðinn sko gærdagurinn sem var sá dagur er allt kláraðist hjá Lísebetunni í gymminu. Konuátakið búið, Íþróttaskólinn búinn og Karlaátakið kláraðist í gær. Enduðum þetta með stæl hjá konunum og færðum tímann út í sólina og vorum nánast bara á Evuklæðunum, vegfarendum til mikillar ánægju og svo enduðu karlarnir mínir á því að fíra mér út í sundlaugina í öllum mínum klæðum og það var hreinlega ekkert sem ég gat gert því þeir eru orðnir svo massaðir eftir námskeiðið og fituprósentur og sentimetrar hafa hreinlega fokið af þeim, þannig að ég réði ekkert við þá.  Ég er svo stolt af þessum vitleysingum og hlakka bara til að starta aftur í haust með þá, sem þeir b.t.w. báðu sérstaklega um! Svo ætlum við að keppa við sjóarana í kappróðrinum á laugardaginn þannig að það verður bara stuð, veit samt ekki alveg hvort ég verði stýrimaður, sjáum hvað setur! 

Sumarið er komið hjá okkur í firðinum fagra. Við erum búin að slá garðinn, láta eitra fyrir roðamaur, skella sumarblómunum niður og snyrta garðinn fyrir sjómannadaginn þannig að Ólafsvegur 48 fer bara að líta ágætlega út sonna. Á reyndar eftir að bera á viðinn og smíða pall en það kemur með betra veðri. Karenu Helgu líst ekkert á grasið nema þegar hún er búin að rífa það upp og smakka á því, en hún vill ekki liggja þar og leika sér, hún fær bara hroll og skilur ekkert hvað þetta er, dúllan. Svo er hún nú byrjuð að toga sig áfram eins og hermaður og skríða, já afturábak sko þannig að það er mjög gaman að fylgjast með henni þróas og þroskast þessa dagana. Svo fer að koma útilegutími á okkur þannig að við verðum að venja barnið við the nature! 

Sjómannadagshelgin er full af dagskrá og við munum að sjálfsögðu fara í kirkju, keppa í kappróðrinum, horfa á stakkasundið, koddaslagin og allann slaginn um Alfreðsstöngina, svo verða hoppikastalar, tívolí, ball, Tinu-showið og ég veit ekki hvað og hvað. Allir í fjörðinn á þessari frábæru helgi og vonum bara að það komi enginn jarðskjálfti. Sjæse. Annars sendum við bara stórt knús á alla á Suðurlandinu og vonum að allt komist fljótt í réttar skorður í lífinu og tilverunni.

Athugasemdir

[Jóka (IP-tala skráð) 30.5.2008 kl. 22:42]

BARA vika í að við komum!!

Pant fá að koma með í útilegu þegar að ég þarf að vera einhverntímann ein heima í firðinum útaf fótboltanum!!

 Annars mæli ég með því að þú tjékkir á síðasta bloggi hjá mér hihihi