Lísa og Rúnar

Þriðjudagur, 12. febrúar 2008

12. febrúar 2001

er alltaf það eina sem er í huga mínum þennan dag. Bílslysið, missirinn, batinn og að fara aftur út í lífið! Það er ekki séns að þó að öll þessi ár séu liðin að maður láti sér líða eitthvað betur, eða öðruvísi, reynir að vera jákvæðari eða eitthvað bara, maður getur hreinlega ekki stjórnað þessum tilfinningum. Ég ætla bara að segja alveg eins og er að dagurinn byrjaði vel. Ég fór með dóttur mína í 4. mánaða skoðun en þegar ég kom inn hérna heima og lokaði hurðinni þá gjörsamlega brotnaði ég saman og það út af einu fallegu sms-i frá góðvinkonu minni, það þurfti ekki meira en nokkur falleg orð. Ég fór að skoða myndir af Magga og lesa yfir minningargreinarnar sem ég á innplastaðar og átti mína stund að mér fannst. Eftir að ég hafði lokið þessu af þá var ég tilbúin að feisa daginn, gesti og símtöl.

Allt gekk rosalega vel, ég bakaði þvílík góðgæti og bauð í kaffi og vá hvað það var frábært að sjá hvað maður á alltaf góða að. Ég er svo heppin og þakklát fyrir lífið og allt sem fylgir því. Takk. Heart

Það sem ég vil segja við ykkur er..."Við getum þrammað þreytulega eftir fjölförnum stígnum eða notið þess að villast í skógarþykkninu beggja vegna"

Heart Lísa

Lísebet Hauksdóttir

Flokkur: Íþróttir | Facebook

Athugasemdir

Elska þig sæta - XXX

Þórey Sjöfn (IP-tala skráð) 13.2.2008 kl. 09:28

Elsku Lísa mín!

Ég táraðist þegar ég las þessa færslu, fór að hugsa um gömlu tímana sem ég eyddi með ykkur Magga þegar maður mætti í Krabbastíginn já og utan Krabbastígsins... Alltaf svo kósý hjá ykkur eskan og ekkert nema hamingjan á þeim bænum.. Vona þú hafir það gott eskan, já og þið öll og já við eigum að lifa við það að lífið er jú bara yndislegt og eigum að lifa því meðan við getum með gleði og hamingju í hjarta.