Appelsín??

Já það er spurning hvað er leyndarmál appelsínframleiðenda því í eina skiptið sem barnið mitt sparkar í mig er þegar ég fæ mér appelsín í glas!! Mjög krúttlegt og ekkert smá skemmtilegt að finna hvernig þetta er allt saman að þróast og stækka inn í mér

En vá hvað 1. maí er yndislegur rauður dagur, gott að fá svona frídag inn í miðri viku, hlakka til 17.maí og auðvitað annan í hvítasunnu. Annars styttist bara hrikalega í að skólanum ljúki og auðvitað að afmælið mitt komi...jí-ha! Siggi G og Elma tóku rúntinn og renndu á Óló með snúllurnar sínar Amelíu Ýr og Sonju Björg og kúlubúinn kom auðvitað líka með. Við sátum bara úti og nutum góða veðrisins, röltum og gáfum öndunum, fórum svo í pottinn hjá mömmu og pabba og enduðum á þessari heljarinnar gillveislu. Ekkert smá ljúft.

Í kvöld hefst svo risa björgunaræfing inn á Akureyri þar sem Rúnar í í klifurhóp og eiga þeir víst að bjarga einhverjum slösuðum úr 30mkrana, eða þá af kirkjuturninum....Guð hjálpi mér. En vonandi mun allt ganga vel. Svo er það bara námskeið á laugardaginn "Tákn með tali" sem ég hlakka mjög mikið til að læra þannig að það er nóg að gera eins og alltaf á ÓlÓ.....Lifið heil

Athugasemdir

[Stefanía (IP-tala skráð) 5.5.2007 kl. 23:30]

Gaman að lesa þessa færslu hérna að ofan. Þegar að ég var ólétt og óróleg yfir því að barnið sparkaði ekki var mér ráðlagt að fá mér appelsín. OG einmitt það svínvirkaði barnið byrjaði að sparka nánast um leið.

Gangi þér vel með kúlubúann vonandi sé ég þig sem fyrst :)