Það er svo gaman að vera til

Ég vakna þennan morgun og vel að hann sé góður 
vel að  hann sé yndislegur, myrkur og hljóður 
ég vel að kúra um stund og staðnæmast  við það 
hve stórkostlegt sé lífið ef fátt amar að

Ég ákveð því að velja að vandamálin fá 
vistuð séu hjá  mér til þess eins að ljá 
tilverunni ennþá fleiri tilbrigði og fleti 
ég tek  þeim opnum örmum svo nýtt mér þau ég geti

Og eftir litla stund ég vel að fara á fætur 
faðma  þennan morgun og allar hans rætur
hita mér gott kaffi af kærleik þess ég nýt   
kex smyr með osti í blöðin svo ég lít

Að endingu ég segi við þig sem þetta lest
þetta er  góður dagur, hafðu það sem best 
ég óska þess að hugsanir fallegar þig  finni 
ég faðmlag þér sendi og kveð þig að sinni

Athugasemdir

[Stórfrænkan (IP-tala skráð) 24.10.2008 kl. 20:35]

Elsku Lísa mín takk fyrir þessa fallegu vísu, eða hugvekju.... því þetta vekur mann svo sannarlega til umhugsunar um hvað það er gott að að vera sáttur við lífið og tilveruna    Hver samdi þetta ??

Eigðu virkilega góða helgi og ég hlakka til að sjá þig annaðkvöld, mín kæra vinkona... mæti með olympíu

[tóta og tinna litla (IP-tala skráð) 26.10.2008 kl. 09:06]

blessuð skvís. flottur texti hjá þér. maður gleymir sér alltof oft í einhverri neikvæðni nú í dag en það hjálpar ekki neitt.. gott að fá áminningu við og við ef maður er að gleyma sér í einhverju rugli.

 bestu kveðjur úr grindó, við komumst ekki norður þessa helgi en munum stefna norður næstu helgi. kannski við getum þá mælt okkur mót. Þrekmeistarinn þá og kannski kíkt á það saman..