Alltaf rigning á Sjómannadaginn!!

Ekki það að ég elska að klæða mig vel og hoppa í pollum en það væri nú alveg næs að fá einu sinni jafn mikla blíðu og var á laugardaginn, okey Guð?? Reynum það að ári allavega  Já við fórum sem sagt til Óló á föstudaginn og Rúnar beint að vinna með gamla og við mamma fórum í frábæra ferð í Kirkjugarðinn að setja niður blóm á leiði hjá ættingjum og vinum og enduðum svo á að skoða nánast öll leiðin og mamma fræddi mig og allt sem gekk á í gamla daga, svo er verið að tala um að fólk sé slæmt í dag!! En já þetta var algjör snilld, var búin að gleyma hvað mér fannst gaman að ráfa þarna um sem barn og æfa mig að lesa á steinana. Tók meira að segja að mér 2 leiði sem munu fara í framkvæmd um næstu helgi.

Skemmtiatriðin fóru vel fram og allar keppnir voru til fyrirmyndar. Veit reyndar ekki einu sinni hverjir unnu kappróðurinn og svo verður Alfreðsstöngin afhent í kvöld. Gulli tók Stakkasundið og Jón Gylfi rústaði bæði pabba sínum og bróður í Koddaslagnum(með belgjum reyndar). Við mamma elduðum svo lax og svo brunuðum við í útskriftar-og innflutningspartý hjá Völgu. Til hamingju elskan, við erum stolt af þér hjúkka  Var komin á Óló aftur um 2 og svo var auðvitað farið í Kirkju í morgun með mömmu í tilefni dagsins. Fiskisúpa hjá Svövu og svo koníak og kökur heima í Garðstígnum þar sem amma er í borg óttans. En annars fer einbeitingin á fullt fyrir næsta leik hjá Magna og Völsung og nú verður tekið á því, það skal engin komast í gegnum mig í vörninni. PUNKTUR!

Til hamingju með daginn Sjómenn. Kveða Lísa