06/06/06

Já það má væglega orða það þannig að þetta er nú búið að vera meiri dagurinn. Hófst í gymminu í morgun með Berglindi frænku og ætlunin var að losa smá stress áður en við héldum að jarðaförinni. Ekki gekk það neitt eftir því það var nóg að forspilið byrjaði að við féllum saman. Jesús minn hvað þetta var erfitt að sjá á eftir þessum gullmola og fulla kirkju af vinum og ættingjum. Addi sýndi virkilegan hetjuskap þegar hann stóð upp við hliðina á kistu bróður síns og söng "I Can´t cry hard enough" með undirspili Magga. Hvernig var þetta hægt? Vá! Eftir athöfnina keyrðu allir út í Ólafsfjörð þar sem hann var jarðaður og ég get ekki lýst því hvað mér fannst fallegt þegar Björgunarsveitin hélt á fánum sem var svo gengið í gegnum, þetta var ótrúlegt. Ég votta ykkur vinir og ættingjar innilega samúð mína og vona að guð veri með ykkur á þessum erfiðu tímum.

Eftir allann gráturinn og hláturinn þá skrapp ég og kenndi einn tíma og brunaði svo inneftir þar sem minn elskulegi Rúnar var búinn að grilla handa mér kjúlla og grænmeti á tein og alles, þú færð sko plús í kladdann gamli!! Annars situr maður núna bara með kveikt á kerti og að hlusta á Bubba Morthens á 06.06.06 tónleikunum hans sem við áttum by the way að vera á, en eitthvað klikkaði :-) Kóngurinn klikkar ekki á vá hvað þetta eru ruuusssssssalegir tónleikar, mig langar mest að fara að grenja hann er svooooo flottur.. Svo var hún Þórey að tilkynna mér að systir hennar hafi verið að eignast litla prinsessu þennan dag þannig að við óskum henni til lukku með frænku.

Útilegan heppnaðist sonn vel annars og enduðum við á Skagaströnd með ÖnnuLeu og Bróa og Baddý já og hundi sem kallast Ponsja, en ég var svo hrædd við hana að ég kallaði hana alltaf Posa, get ekki útskýrt hvers vegna, taugarnar útþandar kannski!! Lentum í blíðuveðri og grilluðum og spiluðum svo Fusinjesen og Kings on the corner. Amma Lísa bauð okkur svo í kaffi og með því daginn eftir og skelltum við upp í ferð á Kálfshamarsvík, held ég að það heiti með langflottasta stuðlabergi landsins, úje! Við vorum svo þreytt eftir daginn að við misstum af balli sem var í Kántrýbæ um kvöldið, díses hvað ég var svekkt. Hlustuðum á "kúrekann" allann daginn í reidíóínu eins og hann kallaði sjálfan sig og allar auglýsingar hjá honum enduðu á "Kúrekkinn" hehe algjör snilld. Toppferðastaður Skagaströnd, mæli með því. Minni á leikinn á Húsavík á fimmtudaginn fyrir aðdáendur og hvetjum við flesta til að mæta. Knús og kram til allra......Lísa og Rúnar

Athugasemdir

[Berglind Gestsdottir (IP-tala skráð) 8.6.2006 kl. 09:20]

Sæl elskan, vildi bara þakka þér kærlega fyrir samverustundina fyrir norðan, og til að láta þig vita að þessar örfáu boltaæfingar sem ég gerði með þér á þriðjudaginn virkuðu þokkalega vel! Er að DREPAST úr strengjum! :) Allavegana heyrumst seinna mín kæra...