Ég á líka afmæli í dag :-D

Jæja þá er maður kominn yfir fyrsta erfiða aldursfjórðunginn og orðin 26 ára. Ég tek það samt ekkert nærri mér að vera að eldast, hlakka bara til að takast á við lífið og tilveruna. Verð nú reyndar að segja að afmælisundirbúningurinn byrjaði ekkert of vel þar sem hjartað mitt var eitthvað að stríða mér þannig að ég þurfti að afboða veisluna sem ég ætlaði að halda í gær. Lág bara í beddanum og reyndi að slaka á og ligg þar enn. Ætla nú samt að reyna að fara í vinnu á eftir og halda þá kannski bara smá boð á morgun því Maggi hefði hvorteðer átt afmæli þann dag og við verðum að koma þessum tertum frá okkur sem var verslað í í gær :-D

Ég er búin að fá tvo afmælissöngva í tilefni dagsins, einn frá Rúnarinum og svo hringdi Þórey og tvíburnarnir og sungu fyrir mig...o takk þið, þetta var æði. Djammið á laugardaginn var rosagaman og vorum við illa grobbin af Hjalta, enn og aftur til hamingju. Skelltum okkur á Kaffi ak í millitíðinni en ég reyndar nennti ekki aftur í Sjallann þannig að ég veit ekkert hvernig stemmarinn var þar, en það var hörkustuð og kom ég heim með eitt stk myndavél sem Hansína bað mig að geyma og eftir myndunum að dæma þá held ég að Birnan mín eigi þessa vél, en kemur í ljós á æfingu í kvöld held ég!!! Hansína þú færð samt verðlaun fyrir flottasta outfittið á laugardagskvöldið. En ég bið ykkur að lifa heil og senda mér fallegar heilsuhugsanir af öllu HJARTA :-D       Auf Wiedersen 

Ólafsfjörður City

Jújú við erum enn og aftur komin í fjörðinn fagra til að njóta útiverunnar og þessa dásamlega umhverfis sem umlýkur Tröllaskagabyggð sem er eitt af nýju nöfnunum í hvað bæjirnir okkar góðu eiga að heita þ.e. Sigló og Óló, til greina koma einnig: Ægisbyggð, Fjallabyggð og Hnjúkabyggð eða eitthvað svona fáranlegt. Ég kýs allavega fyrsta kostinn og vona að fleiri séu sammála mér. Morguninn byrjaði rosavel þar sem veð Dagný Linda Kris... hittumst 08.57 á Esso á Scott hjólunum okkar með hjálma og alles og lögðum upp í ferð sem frá mínu heimili voru samtals 33km, geri aðrei betur. Við tókum Eyjarfjarðarhringinn(Den Kleine) á 01:26klst og vorum þokkalega stoltar af því miðað við mótvindinn sem hélt okkur nánast kyrrum á leiðinni heim, sjitt hvað ég var löngu búin að missa þolinmæðina og var orðin svo pirruð og stíf að ég öskraði þegar komið var á brúnna því mjólkursýran í lendum mér var ekki að ráða svo við hliðarvindinn sem negldi okkur svo niður, díses. En þetta hafðist og við skelltum okkur svo í sund og lunch á Bláu Könnuni...ummmm brilliant byrjun á degi sem endaði reyndar líka vel.

Undirbúningur er nú í fullu fjöri fyrir Stúdentsbrósann minn hann Hjalta og erum við búin að vera að smyrja og þrífa í allt kvöld, til lukku Hjalti, við erum rosalega stolt af þér lasarus. Minni á þrektímann í fyrramálið fyrir þá/þær sem vilja brenna nokkrum kcal áður en haldið er í útskriftarveislur dagsins, hann byrjar klukkan 10 og ætla Rúnar og Elís að strippa fyrir þá sem mæta :-D

Hlakka til að sjá ykkur þar eða í Sjallanum bara á morgun....schönen abend noch.....  LiZ og Rúní

Magni v.s. Völsungur kl. 19.00 í kvöld

Já endilega skellið ykkur á völlinn til að sjá þennan Magnaða æfingaleik á Hrafnagilsvelli á eftir. Er bara að reyna að dreifa huganum áður en leikurinn byrjar ég get ekki haldið í mér neinu vegna stress og ég er að segja ykkur það ég var á leiðinni Norður áðan dollurnar fengu að finna fyrir mér allstaðar á landinu. Byrjaði í höfuðborginni, svo Borganes, Hrebbinn, Brú, slapp við Blönduós en Varmahlíð náði mér og svo home sweet home og ég er að segja ykkur það að þetta hlýtur að fara að snúast í hina áttinu því ég er alveg svona farin að kúgast núna úr stressi!! Þvílík vitleysa hvernig maður er, ég meina kommon þetta er nú bara æfingaleikur!!...sjitt

Já eftir myndatökuna með útskriftardrengnum í gærkveldi þá brunaði mín í Borg óttans og gist hjá Írisi því hann Fjalar minn sveik mig, reyndar búin að róa mig niður í dag þannig að honum er fyrirgefið, en málið var að versla klifurskó og kalk og missa sig aðeins í IKEA. En eins og þið vitið þá er ég svo hrikalega skipulögð að ég hafði tíma til að versla mér líka í Kringlunni og Smáralind áður en klukkan slóg hádegi og búðirnar opnuðu klukkan 10, geri aðrir betur. Já og nú er ég semsagt komin og varð bara aðeins að upplýsa ykkur um þessa eftirminnilegu ferð mína Norður. Besta dollan var í Borganesi, bara svonna upp á næsta ferðalag!! ;-D

Sjáumst á vellinum kæru vinir.....ciao

Sólbrúnar og svaðalega sætar

Jújú það er sko aldeilis búið að sleikja blíðuna hérna um helgina með olíu og öllum pakkanum. Það vildi svo heppilega til að Íris Jónasar lét sjá sig Norðan heiða um helgina og varð það bara til þess að ég er hreinlega búin að brosa hringinn í návist hennar, Takk Íris :-D Hansína var auðvitað með okkur líka sko og við gerðum heiðarlega tilraun til að bjóða þeim í heimsókn og opna eina rauða, en þegar dömurnar ákvaðu að skutlast heim og skipta um föt fyrir djammið þá var það sófinn sem heillaði þær annað kvöldið í röð og þær létu aldrei sjá sig aftur. Elís, Helgi og Nanna kíktu í hlíðina og það með látum, veit ekki alveg hvernig kvöldið endaði hjá þeim, eina sem ég veit að ég keyrði þeim og Rúnari niður í bæ og svo varð allt kreisí...þetta áfengi er nú alveg Unformazing Íris!! Ég tjillaði heima reyndar frekar óró og fór og eldaði pizzu handa Rúní þegar hann kom heim í nótt...toppiði það konur hér og þar!

Ræktin tók við í morgun og ég tók bara Írisi með mér fyrir Rúnsa því hann var eitthvað svoltið sjúskaður þessi elska. Við skelltum okkur í Gravity og svo í súperspinning...þvílík og önnur eins brennsla hefur ekki sést í áraraðir á Íslandi, ég er að segja ykkur það, Írisi var boðin vinna og erum við búin að skrá Sævar í skólann í haust þannig að þau eru á leiðinni :-D Hún er allavega sjúk í Akureyrina og finnst henni hún bara vera í útlöndum, enda talaði hún ensku í samkaup í gær... snilli! Sundlaugin kallaði aftur í dag og núna fór olían úr öllu valdi, við vorum þrjár makaðar og sveittar og ofaní pottinum þannig að það var komið alveg svona olíulag ofan á vatnið...nice, en við erum orðnar svakaskutlur eftir þessa helgi.

Plön dagsins eru að baka köku handa stelpunum, þrífa smá, borða kjúlla í ommilettu og vá hvað hún smjattast vel í munni akkúrat as we speak...eða write kannski frekar. Gymmið á morgun með okkur Írisi kl. 06.20 ef þið viljið sjá þessa drottningu þá ætlum við að mæta olíubornar í bikini....Sjáusssst

Freknur!!

Váts, hvað ég er komin með margar freknur og mér finnst það ekkert smá krúttlegt. Sólin er farin að setja sinn svip framan í mig eftir allt hjólaæðið, línuskautana og ég tala nú ekki um fótboltaæfingarnar og sundið, uss þvílíkt virkni í gangi. Æfingin í gær gekk samt ekkert rosalega vel, það voru um 4 sem voru u.þ.b. að togna í lærinu, ein fór í náranum, tvær með bakið ónýtt og hinar búnar á því vegna þolleysis....sjitt hvað þetta verður spennandi þegar fyrsti leikurinn gengur í garð þann 25. maí uppstigningardag með meiru, endilega mætið á Grenivíkurvöll og sjáið afburða knattspyrnu hjá Meistaraflokki kvenna á Íslandi :-D

Annars er vikan bara búin að vera frekar bissý eins og hjá  öllum öðrum og erum við að bilast á þessari ferð okkar sem kostaði fyrst 32 þús, einum degi seinna kostaði hún svo 39 þús og í gærkvöldi var hún komin upp í 47þús með öllu, ekkert svo mikið fyrir okkur bæði en samt voa ýkt pirrandi hækkun!! Dí... Birnan mín á afmæli á morgun og ætlum við að fjölmenna um kvöldmatarleitið og fagna þessu með henni, svo á nú tengdó afmæli á laugardaginn þannig að það eru endalausar veislur framundan.... uss verð að halda í mér kcal...myndataka á mánudaginn með stúdentsdrengnum ógurlega og verður maður að vera ferskur í útliti þannig að það verður enginn bjór hjá mér Birna mín :-) Þórey ég gerði heiðarlega tilraun til að búa til fasta fléttu í mig í dag og vá hvað þær eru ljótar en ég ætla samt að hafa þær.....who cares ég er fræg :-D

Nenni líklega ekki að skrifa mikið um helgina þannig að ég bið ykkur að vera góð hvort við annað og munið hvað er gaman að vera til.... víví

MOLI COACH...

Jújú við erum búnar að negla þjálfaramálin hjá okkar Magnaða Magna liði og er það hann Siguróli eða Moli eins og hann vill orða það. Mér leist nú bara vel á hann og hlakka mikið til að sjá hvernig þessi litskrúðugi hópur á eftir að höndla þetta sumar. Við fengum bara í rauninni 3 reglur sem við þyrftum að leggja á minnið:

-Það má bara vera í fýlu í 15mín eftir tapleik

-Það er bannað að gefast upp og labba í leik

-Við verðum að velja hvort við viljum hafa þetta SKEMMTILEGT eða BARA GAMAN!!

Þannig að þarna sjáið þið að þetta er sport fyrir alla og eru gamlir og nýjir endilega velkomnir. Það var hörkumæting í gær í Bogann og vorum við 27stk eða 54 hoppandi júllur á þessum klukkutíma, toppiði það! Enginn slasaðist neitt alvarlega þannig að stefnan er tekin á æfingu á morgun kl.19 í Hrafnagili og þá munu takkaskórnir vera teknir fram. Öss.... Hittumst svo heima hjá Birnu Bald til að halda upp á afmælið Stefaníu og kíktum á Kaffi AK og svo auðvitað á Palla minn sem henti vinkonu sinni auðvitað á gestalista ásamt 5stk handa uppáhaldsvinkonum mínum í liðinu, þekkti reyndar ekki alla sem ég lét hafa miða, en seldi svo síðasta þannig að ég græddi eiginlega bara fínt á að fara í Sjallann....Sorry enn og aftur Birna :-D(átti sko miðann sem ég seldi)

Kllifur í dag frá 10.30-16.00 í þvílíkri Bongóblíður að maður er bara orðinn þokkalega brúnn. Ég var drulluhrædd fyrst en var svo farin að klifra upp í 10m hæð, vúhú, reyndar með tryggingu og allt, datt einu sinni en meiddi mig ekki neitt og vá hvað þetta er gaman, þið bara verðið að prufa þetta áður en þið deyið, næst á dagskrá hjá mér er sky-diving...er það ekki mamma??

Hláturinn lengir lífið-nema maður drepist auðvitað úr hlátri!!

Þessa krúttilegur setningu kom Rögnvaldur gáfaði með í gær við kynningu lags af nýja disk þeirra Hvanndalsbræðra, og ég held í alvörunni að þetta eigi eftir koma fyrir eldri bróður minn, Kristján Hauksson. Þegar hann nebblega springur upp úr þá þarf hann að standa upp og hallar sér aftur á bak til að reyna að ná andanum en getur svo bara andað inn, og stundum þá þarf hann bara að fara út í hurð til að fá sér ferskt loft, þetta er rosalegt án gríns.. En Tónleikarnir komu mér annars virkilega á óvart og þeir voru illa góðir. Tóku mjög sérstaka og brilliant flotta útgáfu af maistjörnunni og ég vona að hún sé á disknum, á eftir að hlusta á hann. Rúní fékk sér aðeins í tánna og var ekkert smá krúttlegur, sérstaklega þegar við komum heim og hann fór að elda sér. Ég skildi loksins af hverju Joey Tribbiani eldar ekkert sem frussast þegar hann er nakinn :-D

Hey ég fékk afmælisgjöfina mína frá honum í gær og var það geggjað klifurbelti, hjálmur og kalkpoki þannig að búnaðurinn er kominn á góða leið. Við ætlum eitthvað að kíkka á Munkann á morgunn og æfa okkur í klettum þannig að þetta er mjög spennandi. Hann keypti sér nebblega líka þannig að í augnablikinu lítum við út eins og Ísfirðingarnir á skíðunum sem voru alltaf með búnaðinn tipp topp en kunnu eiginlega ekki neitt í íþóttinni sjálfri!! Ég minni ykkur á að kíkka endilega á æfingu á Laugardaginn í Boganum, en það verður í fyrsta sinn sem við mögnuðu Magna gellur spilum á stórum velli þannig að þolið verður að vera gott, sjitt maður er bara orðinn stressaður! Æfingin er klukkan 16 en þeir sem vilja koma að hjóla í kvöld þá eruð þið velkomin með okkur Rúní um kvöldmatarleitið. Annars bið ég ykkur að lifa heil... já og kaupa diskinn með Hvanndalsbræðrum :-D

01:02:03 04/05/06

Vöknuðuð þið ekki í nótt þegar þetta skall á?? Það slokknaði á sjónvarpinu okkar og allt og við gátum engan veginn kveikt aftur og svo kviknaði á viftunni inn í eldhúsi og útidyrahurðin opnaðist!!! Díses hvað ég er að bulla í ykkur. Neinei Rúní sýndi mér þetta á maili í gær og þetta er eitthvað sem kemur bara ekki aftur fyrir svo lengi sem við göngum á þessari jörðu, rosa kúl.

Magna liðið er allt að taka við sér og það mæta sífellt fleiri á æfingu, spurning um að hafa A og B lið :) Moli er orðinn þjálfari liðsins, þannig að vonandi að hann fari að mæta því ég hef ekki hugmynd um hvernig þessi manni lítur út! Búningarnir komnir á langa leið held ég og ég er að reyna eftir bestu getu að taka sjöuna frá en við erum svo margar að ég veit ekki hvort Guð hlusti á bænir mínar...PLÍS!! Tónleikar í kvöld með Hvanndalsbræðrum á Græna Hattinum og hvet ég alla til að mæta. Skýrr voru svo elskulegir að bjóða okkur þannig að allavega mæti ég á staðinn elskurnar. Eigiði annars góðan dag og sjáumst á æfingu stúlkur mínar :-D Ciao

CLEAN...ummm

Vá hvað var ljúfur dagur í gær. Tók daginn snemma og fór á grasspyrnuæfingu eins og Rúnar myndi orða það og það var hreinlega hin fínasta mæting þó sumar hafi verið í annarlegra ástandi en hinar :-D En allt gekk vel og enginn slasaðist nema Stefanía smá, en hún er hörkukjella og hristi þetta af sér á einum spretti. Fundur í dag á Greifanum í hádeginu og verið að ákveða fjárveitingar og bla þannig að ef einhver vill styrkja okkur þá tökum við því með opnum örmum. Eftir æfingu var ég með svo mikla orku að ég hóf tiltekt á þessu yndislega heimili mínu og þvoði hvorki meira né minna en 4 þvottavélar og þreif allt frá toppi til táar, skipti út styttum og kertastjökum og má hreinlega segja að vorstemmarinn sé kominn í Skarðshlíðinni, dí hvað mér líður vel. Rúnar hjálpaði mér auðvitað og svo fórum við út að borða og í bíó...brilliant dagur. Kíkkuðum á "failure to lunch" sem er bara hin fínasta ræma og ekki kvartar maður nú yfir skrokknum á gaurnum...úff!!

Tókum helgina á Óló og svo eftir æfingu þá biðu manns fermingarveislur og eftir það var Birna að halda upp á þrítugsafmælið sitt þannig að kcal-fjöldinn var ekki minimum þessa helgi. Annars sé ég fram á það að þessi yndislegi 1.maí verði líka geggjaður því veðrið er gott og ALLT HREINT, dí mér líður eins og Monicu...hreinlæti turns me on :-D ...Fjalar?? Rúnar er farinn að sakna þín og vill að þú kíkkir til okkar áður en tímabilið fer á fullt..Can that be done my friend? EN elskurnar....njótiði dagsins og eigiði góða vinnuviku. Ætla að drífa mig á þennan fund og reyna að eigna mér númerið mitt...(sjöuna)..wish me luck....ciao

Magni :-D

Vá hvað ég er að fíla þessar fótboltaæfingar. Enginn þjálfari ennþá, bara spilað út í eitt og allir í frábæru skapi þannig að ég býst við því að þó að við töpum eitthvað í sumar þá skipti það okkur engu máli, það er alltaf líf og fjör hjá okkur. Já Stefanía við áttum engar smá "moves" í gær í okkar liði ;-D Enn sem stendur eru engin meiðsl komin hérna megin...7-9-13 en því miður fór líklega liðþófinn hjá henni Kollu okkur í gær, láttu þér batna mín kæra. Svo er auðvitað verið að velja búninga og sonna svo við lítum nú ágætlega út á vellinum í sumar... Ég veðja á Hummel :-D

Skemmtilegt atvik á þriðjudagsmorguninn, ég ætlaði að fara með nýja flotta hjólið mitt og pumpa aðeins í dekkin þannig að ég rölti yfir á esso hérna á móti og fékk einhvern voða ventil til að setja fyrst á. Neinei, um leið og hann var komin á og ég ætlaði að fara að dæla þá bara gjörsamlega hvarf allt loft úr dekkinu hjá mér og kallinn kom út og ætlaði nú aldeilis að sýna mér hvað ég væri heimsk stelpa að kunna þetta ekki og gerði það nákvæmlega sama hinu megin. Þessir karlmenn!!! Þannig að ég mátti leiða hjólið aftur heim. En ég fór bara niður í Sportver og reddaði þessu svo sjálf eftir að hafa keypt ventil....GO GIRLS. Hvernig er það með birtuna er hún að gera ykkur lífið leitt klukkan 5 á morgnana?? Ég gerði heiðarlega tilraun í fyrra og límdi svarta ruslapoka inn fyrir gardínurnar en viti menn, rúðan gjörsamlega sprakk í tætlur vegna hitans þannig að ég held að ég reyni að finna upp á einhverju öðru þetta árið. Hins vegar vorum við vöknuð svo snemma í morgun að við skelltum okkur bara í gymmið, kannski er það bara best....AÐ DRÍFA SIG AF STAÐ þegar birtan er farin að gjóa í augun. Annars eigum við náttúrulega bleiku grímurnar ennþá síðan í Norge :-D

En Þórey mín manni er nú farið að langa kannski pínku að sjá myndir úr Köben, hvað þá að fá aðeins ritningu frá ykkur. Knúsið tvíbbana frá okkur...Kveðja Lísa og Rúní